7 Arsyet pse ju duhet të keni një faqe interneti.

by Elvis Tavasja on August 25, 2018

Cdo ditë e më tepër rritet numri i njerëzve që përdorin internetin. Për cdo informacion që iu nevojitet, ata do e kërkojnë në internet. Me zhvillimin e teknologjisë dhe internetit, ju duhet t'i shikoni të gjithë si klientë potencial. Të rinjtë sot kërkojnë në internet edhe për gjërat që blejnë ose shërbimet që u nevojiten.

Prandaj është krejt e natyrshme që konsumatorët të mendojnë se çdo biznes është i pranishëm në ueb, në faqen e vet të internetit. Të qenit aktiv në mediat sociale është njëra anë. Gjithashtu, duhet një faqe interneti ku ndjekësit mund të blejnë produktin tuaj ose mund të kërkojnë më shumë detaje për shërbimet tuaja.

Me një faqe interneti, ju jeni një hap përpara konkurrentëve tuaj.

Nëse blerësit nuk mund ta gjejnë biznesin tuaj online, ata do të gjejnë konkurrentët tuaj. Nëse nuk jeni të pranishëm në internet, ju humbni shumë mundësi. Është e rëndësishme që faqja e internetit të jetë e projektuar mirë, e lehtë për të lundruar, si dhe me informacion të plotë dhe të detajuar në lidhje produktet e biznesit tuaj. Ju duhet ta shihni faqen Ueb si një prezantim online të dyqanit dhe biznesit tuaj. Nëse faqja e internetit është e shëmtuar ose jo e plotë, ajo do t'i largojë klientët drejt një kompanie tjetër. Shpesh ndodh që një klient zgjedh për të blerë një produkt online vetëm se produkti përshkruhet në detaje dhe faqja e internetit duket këndshëm. Imazhi i biznesit tuaj përfaqësohet nga cilësia e faqes së internetit.

Një faqe interneti rrit ndërgjegjësimin për produktet dhe shërbimet tuaja.

Faqja e internetit e biznesit tuaj është mënyra më e lehtë që klientët të kenë qasje në produktet ose shërbimet që ju ofroni. Këto produktë është mirë t'i vendosni në faqen kryesore, në mënyrë që blerësit ti shohin sa më shpejt që të jetë e mundur. Faqja e internetit duhet të paraqesë listën e plotë të produkteve që ofron biznesi juaj. Kjo listë tërheq klientin, i cili fillon kërkimin e një produkti, madje blen edhe një të dytë. Ndoshta ai nuk e dinte se biznesi juaj e shet këtë produkt, dhe prandaj duhet afishimi i një liste të plotë të artikujve në faqen e internetit.

Një faqe interneti punon pavarësisht orarit tuaj.

Faqja Ueb e biznesit tuaj do të jetë online 24 orë në ditë, 365 ditë në vit, duke iu dhënë informacion miliona njerëzve çdo ditë. Gjithashtu, ajo do bëjë të mundur që klientët tuaj t'ju kontaktojnë jashtë orarit tuaj të punës, nëpërmjet porosive ose email. Faqja juaj e internetit, e projektuar nga W3DEVELOPMENT, punon për ju, ndërsa jeni në kohën tuaj të lirë ose në gjumë.

Një faqe interneti redukton shpenzimet e biznesit tuaj.

Një faqe interneti zvogëlon koston e publikimit: Është media me koston më të ulët, ku mund të reklamoni biznesin tuaj dhe produktet e tij. Në këtë mënyrë, ju do të reduktoni letrat dhe materialet e printuara. Hapësira Ueb nuk është një promocion lokal, por një reklamë ndërkombëtare.

Një faqe interneti zvogëlon koston e marketingut: Ju shpenzoni shumë orë në zgjedhjen e fjalës së duhur për ta shkruar në një hapësirë të vogël në një reklamë gazete, ose në 30 sekonda në TV. Një faqe interneti ofron një hapësirë të pakufizuar për biznesin tuaj. Ju mund të vendosni sa më shumë informacion, duke shtuar të gjitha mjetet multimediale dhe duke e bërë atë më tërheqëse se çdo media tjetër.

Një faqe interneti zvogëlon shpenzimet e komunikimit: ajo përmban të gjithë informacionin që blerësit duan të dinë, duke përfshirë imazhet e produkteve, hartën e dyqaneve tuaja, stafin që ofron shërbimet, numrin e telefonit dhe e-mail ku mund t'ju shkruajnë, si dhe çdo informacion që ju dëshironi të ndani me klientët tuaj. Partnerët e biznesit, stafi juaj, furnitorët, si dhe të gjithë të interesuarit për produktet dhe shërbimet tuaja, do të marrin informacionin e plotë nga faqja juaj në internet.

Një faqe interneti rrit imazhin e kompanisë tuaj.

Faqja e internetit është një përfaqësim i vizionit të biznesit tuaj. Ajo duhet të pasqyrojë imazhin e kompanisë suaj. Një faqe Ueb elegante dhe e projektuar nga W3DEVELOPMENT, do të nxjerrë në pah vlerat më të mira të dyqanit tuaj. Ajo duhet të jetë moderne, e azhurnuar, madje edhe nëse është një biznes i vogël, faqja e internetit do të portretizojë biznesin tuaj në më të mirën e mundëshme.

Një faqe interneti mund të përmirësojë shërbimin ndaj klientit.

Një faqe interneti është një mënyrë e shkëlqyer për të tërhequr klientët tuaj. Ajo është gjithashtu një mënyrë shumë e mirë për t'i rikthyer ata të vijnë tek ju sa herë që kanë nevojë për produktet ose shërbimet tuaja. Përveç informacionit që lidhet direkt me produktin, ju mund të ofroni ndonjë sugjerim se si të kujdesen për produktin që kanë blerë tek ju, ose si t'i kombinojnë këto produkte me sende të tjera. Nëse biznesi juaj ofron një shërbim, mund të shtoni në faqen tuaj një tutorial se si ta përdorin këtë shërbim. Një tjetër faqe interesante e hapsirës tuaj në Ueb mund të jetë zona FAQ, ku klientët gjejnë përgjigje të shumë pyetjeve në lidhje me shërbimet e biznesit tuaj.

Një faqe interneti krijon mundësi për komunikim me stafin, bashkëpunëtorët, agjentët dhe furnitorët.

Ju mund të organizoni përmbajtjen e faqes në nivele të ndryshme. Përdorues të ndryshëm mund të lexojnë informacione që kanë lidhje me to. Për shembull, ju mund të postoni informacion për ekipin tuaj në një hapsirë Ueb të mbyllur, të cilën ata arrijnë vetëm me fjalëkalimin e duhur. Këto informacione të brendshme mund jenë në lidhje me ndryshimet në staf, orare apo detyra për stafin, ngjarje ose njoftime të ndryshme, etj.

Ndërkohë, përdoruesit të internetit kanë qasje vetëm në detajet e produktit, format e kontaktit dhe postimet publike që lidhen me kompaninë tuaj. Ju mund të vendosni shumë ose pak informacion, sa të doni në faqen tuaj. 

 

Do you like our article? Get your friends opinion about it: